12 позитивни факти за кафето!

Кофеинот, најчесто консумираната психоактивна супстанца во светот, е главната состојка на секое кафе. Неговите благотворни ефекти врз човечкото тело до денес се многу добро истражени, но кафето во целина е комплексен пијалок со илјада различни супстанции. Некои студии покажуваат дека кофеинот не е единствениот одговорен за сè, туку дека и другите состојки можат да имаат корисен ефект врз здравјето на луѓето.

 

12 позитивни факти:

• Кафето ги подобрува физичките перформанси на организмот. Ако пиете црно кафе еден час пред тренинг, вашиот ефект може да се зголеми за 10-12%. Кофеинот го зголемува нивото на адреналин во крвта, што ви помага да се подготвите за физички напор.

 

• Кафето може да ви помогне да ги изгубите вишокот килограми. Содржи магнезиум и калиум, кои му помагаат на човечкото тело да користи инсулин и да го регулира нивото на шеќер во крвта, а притоа ја намалува желбата за слатки и грицки.

 

• Кафето согорува масти. Кофеинот им помага на масните клетки побрзо да ги разградат мастите.

 

• Кафето ви помага да се концентрирате и да останете будни.

 

• Кафето го намалува ризикот од смрт. Истражувањата покажаа дека оние кои пијат кафе го намалуваат ризикот од прерана смрт за 25% во споредба со оние кои воопшто не пијат.

 

• Кафето го намалува ризикот од рак. Некои студии покажуваат дека пиењето 4 шолји дневно може да го намали ризикот од рак на простата кај мажите за 20%, а кај жените појавата на ендометријален карцином за 25%.

 

• Кафето го намалува ризикот од мозочен удар. Испитаниците вклучени во оваа студија пиеле 2-3 шолји црно кафе на ден.

 

• Кафето го намалува ризикот од Паркинсонова болест. Кофеинот предизвикува активност во делот од мозокот кој е зафатен од оваа болест и го намалува ризикот од појава за 25%.

 

• Кафето го штити телото. Содржи многу антиоксиданси кои го ослободуваат телото од штетните радикали.

 

• Кафето го намалува ризикот од развој на дијабетес тип 2. Кофеинот, кофеинската и хлорогената киселина го регулираат производството на инсулин.

 

• Кафето го штити мозокот. Високото ниво на кофеин во крвта го намалува ризикот од Алцхајмерова болест и деменција.

 

• Кафето го подобрува расположението, помага во борбата против депресијата и го намалува ризикот од самоубиство. Кофеинот го стимулира централниот нервен систем и го зголемува производството на невротрансмитери како што се серотонин, допамин и норепинефрин, кои го подигаат расположението.

 

Извор: Кофисмагазин.ком